PUBG Mobile បានត្រឡប់មកពន្ញាក់អារម្មណ៍អ្នកលេងហ្គេមសារជាថ្មីជាមួយនឹងការអាប់ដេត Patch 1.4 ដែលមានព្រឹត្តិការណ៍រួមបញ្ចូលគ្នារវាងសត្វចម្លែក Godzilla និង Kong។ តោះយើងមកពិនិត្យមើលបន្ថែមទៅលើអ្វីដែលថ្មីនៅក្នុង patch notes ផ្លូវការនេះដែលរួមមានអាវុធ និងយានយន្តថ្មី OTS (Mode បាញ់គ្នាថ្មី) និងមុខងារថ្មីៗផ្សេងទៀត។
តម្រូវការសម្រាប់ការអាប់ដេតថ្មី
Patch Notes ផ្លូវការគឺ PUBG Mobile Patch 1.4 នឹងត្រូវបានបញ្ចេញឲ្យប្រើប្រាស់នៅថ្ងៃទី 11 ឧសភា។ អ្នកប្រើប្រាស់ប្រព័ន្ធ Android ត្រូវការអង្គផ្ទុកចំនួន 660MB ឯអ្នកប្រើប្រាស់ប្រព័ន្ធ iOS ត្រូវការអង្គផ្ទុកចំនួន 1.67GB ដើម្បីដោនឡូតអាប់ដេតថ្មីនេះ។ យើងនឹងមិនផ្តាច់ server នោះទេនៅពេលដែលយើងធ្វើការបញ្ចេញអាប់ដេតនេះ។ សូមចាំថាអ្នកលេងដែលនៅក្នុង Version ខុសគ្នាមិនអាចចូលលេងជាមួយគ្នាបានទេដូចនេះសូមអាប់ដេតឲ្យបានលឿនបំផុត។
Titan Strikes
ការរួមបញ្ចូលគ្នាមួយនេះបាននាំមកនូវភាពត្រេកត្រអាលដ៏មិនធ្លាប់មានពីមុនមកចូលមកក្នុងហ្គេម។ នៅក្នុង Titan Strikes សត្វចម្លែកនឹងវារចេញពីក្នុងផែនដីមកកាន់ស្រទាប់ផែនដី ហើយចាប់ផ្តើមកសាងអាណានិគមរបស់ខ្លួន។ អ្នកលេងអាចចូលទៅកៀកពួកគេហើយប្រយុទ្ធជាមួយ Titans ទាំងបីដែលនឹងមានផុសចេញមកនៅទីតាំងផ្សេងៗគ្នាក្នុងពេលខុសៗគ្នា៖
*Godzilla វាយទៅលើ Erangel ចាប់ពីថ្ងៃទី 11 ឧសភាដល់ថ្ងៃទី 8 មិថុនា
*Kong វាយទៅលើ Sanhok ចាប់ពីថ្ងៃទី 15 ឧសភាដល់ថ្ងៃទី 8 មិថុនា
*Mechagodzilla វាយទៅលើ Livik ចាប់ពីថ្ងៃទី 20 ឧសភាដល់ថ្ងៃទី 8 មិថុនា
នៅពេលដែលការលេងហ្គេមចាប់ផ្តើម ច្រកចូលនឹងផុសចេញមកនៅលើផែនទី ហើយអ្នកលេងអាចជ្រើសរើសច្រកដែលគេចង់ចាប់ផ្តើមការផ្សងព្រេងរបស់ពួកគេ។ Titans ទាំងនោះនឹងធ្វើការផ្លាស់ទីជុំវិញផែនទី ហើយមកប៉ះជាមួយនឹងជំរុំថ្មី និងការតាំងលំនៅរបស់សត្វចម្លែកក្រោយការប្រយុទ្ធ។ សត្វចម្លែកនឹងទម្លាក់ Titan Crystals ហើយអ្នកលេងអាចរើសវាដើម្បីទទួលបានរបស់សម្រាប់ជំនួយក្នុងការប្រយុទ្ធ។ នៅពេលដែលអ្នកលេងចូលទៅក្បែរ Titans ពួកគេត្រូវតែប្រយ័ត្នជៀសវាងត្រូវវាជាន់ស្លាប់ដោយមិនដឹងខ្លួន។ Titan Crystals មានដូចជា៖
*Erangel Titan Crystal: Item ពិសេសដែលអ្នកអាចប្រើសម្រាប់គប់ទៅលើសត្រូវធ្វើឲ្យពួកគេថយក្រោយ ហើយឆេះ
*Sanhok Titan Crystal: Crystal ពិសេសដែលនឹងបង្កើនសមត្ថភាពរបស់អ្នកលេង (រត់បានលឿន និងលោតបានខ្ពស់)
*Livik Titan Crystal: Item មួយដែលអ្នកអាចប្រើក្នុងរយះពេលខ្លីសម្រាប់រកមើលសត្រូវដែលនៅជុំវិញអ្នក
មិនត្រឹមតែប៉ុណ្ណោះ យើងក៏មានកន្លែង Apex Cybenetics ជាច្រើនដែលអ្នកលេងអាចចូលទៅក្នុងដើម្បីរើសអីវ៉ាន់សម្រាប់ប្រើប្រាស់។ ក្នុងនោះក៏មាន Monster Settlements ដែលអ្នកអាចចូលទៅពិនិត្យមើលបានផងដែរ។ អ្នកលេងដែលអាចយកឈ្នះសត្វចម្លែកទាំងនេះបាននឹតទទួលបានរង្វាន់ និងធនធានផ្សេងៗ។
ផែនទី Arena ថ្មី
ចាប់ពីថ្ងៃទី 1 មិថុនា ផែនទី Arena ថ្មីដែលមានឈ្មោះថា The Hangar នឹងត្រូវបានដាក់ឲ្យប្រើប្រាស់។ Mode ដែលគាំទ្រផែនទីថ្មីនេះមានដូចជា Team Deathmatch Arena Training និង Team Gun Game។ The Hangar មានទីតាំងលើកប៉ាល់លើសមុទ្រ។ វាមានទីតាំងជាច្រើនសម្រាប់បាំងជាច្រើន ដែលជាទីតាំងប្រយុទ្ធដ៏គួរឲ្យតានតឹង និងត្រូវធ្វើការផ្លាស់ទីយ៉ាងលឿន។ អ្នកលេងត្រូវតែមានរេផ្លិចលឿន និងអាចទំនាក់ទំនងជាមួយក្រុមខ្លួនយ៉ាងល្អដើម្បីយកឈ្នះ។
វាជាឃ្លាំងសម្រាប់ចតយន្តហោះដែលនៅលើកប៉ាល់ដ៏ធំនៅលើមហាសមុទ្រ។ ជាកន្លែងដែលសំបូរទៅដោយកន្លែងបាំង អ្នកលេងអាចឈានជើងចេញទៅក្នុងពិភពនៃការសប្បាយ។ ជាទីលានប្រយុទ្ធដ៏តានតឹង និងឆាប់រហ័ស ហើយផ្តល់ជម្រើសយុទ្ធសាស្រ្តជាច្រើនសម្រាប់ជ្រើសរើស៖ ចូលទៅកៀកសត្រូវហើយធ្វើការបាញ់សម្រុក ឬដកខ្លួនថយ។ ទោះជាអ្នកធ្វើអ្វីក៏ដោយ អ្នកនឹងមិនអាចឈ្នះនោះទេបើអ្នកមិនរហ័ស និងចេះសហការជាមួយក្រុមរបស់អ្នកឲ្យបានល្អ។
Mode បាញ់គ្នាថ្មី – OTS (Over The Shoulder)
Mode OTS ឬ Over The Shoulder ជាជម្រើសនៃការប្រយុទ្ធថ្មីដែលកំពុងរងចាំអ្នកលេងនៅក្នុង Version 1.4។ ដើម្បីធ្វើការតម្រង់ អ្នកត្រូវចុចទៅលើ Stable Aiming Button។ វានឹងអនុញ្ញាតឲ្យអ្នកប្តូរជំហរបាញ់ដោយមិនចាំបាច់ប្រើ scope។ OTS មានប្រយោជន៍ណាស់ក្នុងការផ្តល់ជំហរនឹងមួយសម្រាប់បាញ់ទៅលើសត្រូវ។ លើសពីនេះ អ្នកអាចធ្វើការកែសម្រួលប៊ូតុង OTS បានទាំងស្រុង ហើយsensitivity អាចធ្វើការប្រែប្រួលបានដាច់ដោយឡែក។ អ្នកអាចធ្វើការបើកបិទ OTS បាននៅក្នុង System Settings >> General Settings។
យានយន្ត – Coupe RB
ដល់ពេលហើយដែលអ្នកអាចប្រើប្រាស់ឡានថ្មីគឺ Coupe RB។ ឡានស្ព័រនេះមានកៅអីតែពីរប៉ុណ្ណោះគឺអ្នកបើក និងអ្នកដំណើរម្នាក់។ ឡាន Coupe RB នេះជាយានយន្តដែលលឿនបំផុតក្នុង PUBG ហើយអាចរត់បានល្បឿន 150គម/ម៉ោង។ អ្នកអាចរកវាបាននៅក្នុង Erangel Miramar Sanhok និង Livik។ ដូច Need for speed មែនទេ? មិនបាច់និយាយទេ!
រង្វាន់ពីអាប់ដេត
យើងបានទុករឿងពិសេសបំផុតចុងក្រោយគេ។ នៅពេលដែលអ្នកអាប់ដេតហ្គេមរបស់អ្នកទៅកាន់ version ថ្មីចាប់ពីថ្ងៃទី 11 ឧសភា ដល់ ថ្ងៃទី16 ឧសភា អ្នកនឹងទទួលបានរង្វាន់ដូចខាងក្រោម៖
*2888 BP
*100 AG
*Banana Bonanza (3 d) *1
បន្ថែមពីនេះ Royale Pass S19 – Traverse នឹងត្រូវបានបញ្ចេញនៅថ្ងៃទី 17 ឧសភា។ ពត៌មានបន្ថែមនឹងត្រូវបានជូនជាដំណឹងតាមក្រោយ។ ដើម្បីទទួលបានពត៌មានលម្អិតពី Patch Notes 1.4 សូមចូលទៅក្នុងតំណភ្ជាប់នេះ។
កុំភ្លេចបញ្ចូល UC របស់អ្នកសម្រាប់ PUBG Mobile ដែលមានតែមួយគត់តាម Codashop។ យើងធានាថាការបញ្ចូលនឹងកាន់តែរហ័ស និងមានភាពងាយស្រួលដោយមិនចាំបាច់ចុះឈ្មោះចូល ឬលេខសម្ងាត់អ្វីឡើយ។
