PUBG Mobile: គន្លឹះពិសេសៗដើម្បីឈានដល់កម្រិត Conqueror ក្នុងឆ្នាំ 2023

នេះជាឆ្នាំ 2023 ហើយសហគមន៍ PUBG Mobile នៅតែរឹងមាំជាមួយនឹងអ្នកលេងសកម្មរាប់លាននាក់នៅទូទាំងពិភពលោក។ ប្រាំឆ្នាំបន្ទាប់ពីការចេញផ្សាយរបស់វា ហ្គេមនេះនៅតែទាក់ទាញអ្នកលេងជាច្រើនដែលស្វែងរកភាពសប្បាយរីករាយ និងយកឈ្នះគូប្រជែងរបស់ពួកគេ។ ខណៈពេលដែលអ្នកលេងមួយចំនួនលេងវាដើម្បីរីករាយជាមួយនឹងហ្គេម អ្នកខ្លះលេងវាសម្រាប់ឈានដល់ចំនុចកំពូលនៃចំណាត់ថ្នាក់។ ការស្ថិតក្នុងចំណោមអ្នកលេងកំពូលនៅក្នុង PUBG Mobile Conqueror Rank គឺជាគោលដៅចុងក្រោយសម្រាប់មនុស្សជាច្រើន ហើយវាទាមទារនូវជំនាញ និងការយកចិត្តទុកដាក់យ៉ាងខ្លាំង។ វាមិនមែនជារឿងងាយស្រួលនោះទេ ហើយមានតែអ្នកលេងពីរបីនាក់ប៉ុណ្ណោះដែលអាចសម្រេចវាបាន ប៉ុន្តែជាមួយនឹងគន្លឹះរួមផ្សំជាមួយនឹងជំនាញ និងការយកចិត្តទុកដាក់ អ្នកនឹងអាចធ្វើវាបាន។

ទិដ្ឋភាពទូទៅនៃប្រព័ន្ធចំណាត់ថ្នាក់ Ranking របស់ PUBG Mobile

នៅក្នុង PUBG Mobile អ្នកត្រូវតែឆ្លងកាត់ចំណាត់ថ្នាក់ចំនួនប្រាំបីផ្សេងគ្នាដែលបន្ទាប់មក វាត្រូវបានបែងចែកទៅជាថ្នាក់ជាច្រើនរៀងៗខ្លួន។ ដើម្បី​ឡើង​តាម​លំដាប់​ទាំង​នេះ អ្នក​ត្រូវ​ប្រមូល​ពិន្ទុ​គ្រប់​គ្រាន់​ដើម្បី​ឈាន​ទៅ​វគ្គ​បន្ទាប់​រហូត​ដល់​ទៅ​ដល់​កម្រិត Ace ដែល​ទាមទារ​យ៉ាង​ហោច​ណាស់ 4200 ពិន្ទុ​ឡើង​ទៅ។ នោះជាពិន្ទុជាច្រើនដែលត្រូវប្រឹងរក ហើយវាកាន់តែពិបាកជាងមុនបន្ទាប់ពីនោះ។ ដើម្បីឈានដល់ចំណាត់ថ្នាក់ Conqueror Rank អ្នកត្រូវជាអ្នកលេងកំពូលក្នុងចំណោម 500 នាក់នៅក្នុងកម្រិត Ace Tier នៅលើ Server ណាមួយដែលបានផ្តល់ឱ្យ។ សម្រាប់ព័ត៌មានអំពីចំនួនពិន្ទុដែលកម្រិតនីមួយៗទាមទារដើម្បីឡើង Rank នេះគឺជាតារាងឯកសារយោងសំរាប់អ្នក៖

តើធ្វើដូចម្តេចដើម្បីឈានដល់ចំណាត់ថ្នាក់ Conqueror Rank នៅឆ្នាំ 2023

ការឈានដល់ចំណាត់ថ្នាក់ PUBG Mobile Conqueror នៅឆ្នាំ 2023 គឺជាគោលដៅដែលអ្នកលេង ជាច្រើនខិតខំចង់បាន។ វា​ត្រូវ​ការ​ការ​យក​ចិត្ត​ទុក​ដាក់​និង​ការ​ខិត​ខំប្រឹងប្រែង​ច្រើន​ដើម្បី​ឈានទៅ​ដល់​ទី​នោះ ប៉ុន្តែ​វា​អាច​ធ្វើ​ទៅ​បាន​។ ឥឡូវនេះអ្នកដឹងពីអ្វីដែលវាត្រូវការដើម្បីឈានទៅដល់កំពូល អ្នកនឹងត្រូវការជំនួយទាំងអស់ដើម្បីសម្រេចបាននូវគោលដៅនោះ។ នេះគឺជាគន្លឹះថ្មីៗមួយចំនួនសម្រាប់ការឈានដល់ចំណាត់ថ្នាក់ Conqueror សម្រាប់អ្នកលេងថ្មី និងចាស់នៅឆ្នាំ 2023៖

លេងជាមួយក្រុមអចិន្រ្តៃយ៍របស់អ្នក

នេះនៅតែជាការពិតនៅឆ្នាំ 2023។ អ្នកត្រូវការក្រុមអ្នកលេងដែលអ្នកអាចពឹងផ្អែកលើ និងទុកចិត្តដើម្បីជួយអ្នកឡើងដល់កំពូល។ អ្នកគួរមានក្រុមអ្នកលេងដែលខិតខំប្រឹងប្រែងហើយដឹងពីចំណុចខ្លាំង និងចំណុចខ្សោយរបស់គ្នាទៅវិញទៅមក ព្រោះវាចាំបាច់សម្រាប់ភាពជោគជ័យ។ យើងមិនបាននិយាយថា វាមិនអាចទៅរួចទេក្នុងការឈានទៅដល់ចំនុចកំពូលតែម្នាក់ឯកា ប៉ុន្តែវាកាន់តែងាយស្រួលប្រសិនបើអ្នកមានក្រុមជាប់លាប់ដើម្បីលេងជាមួយ។ ការសហការ និងធ្វើយុទ្ធសាស្ត្រជាមួយមិត្តរួមក្រុមរបស់អ្នក គឺជាគន្លឹះក្នុងការឈ្នះហ្គេម។ លើសពីនេះ វាពិតជាល្អណាស់ដែលមាននរណាម្នាក់ចាំជួយ ហើយគាំទ្រអ្នកនៅពេលជួបរឿងលំបាក។

ហ្វឹកហាត់ការលួច Looting អោយឈ្លាសវៃ

នៅក្នុងហ្គេម Battle Royale ភាគច្រើន ការលួចគឺជាផ្នែកសំខាន់មួយនៃហ្គេម។ រាល់សត្រូវដែលអ្នកសម្លាប់ ឬតំបន់ណាមួយដែលអ្នកចូលទៅជិត អ្នកគួរតែពិនិត្យមើលថាតើការលួចបែបណាដែលអ្នកអាចធ្វើបាននៅក្នុងករណីទាំងនោះ។ នេះមានន័យថា អ្នកគួរទាញយកអត្ថប្រយោជន៍ពីគ្រប់ឱកាសដើម្បីទទួលបានធនធាន និងរើសយករបស់របរដែលអ្នកអាចប្រើបាន។ អ្នក​​ត្រូវ​ប្រាកដ​ថា​ អ្នក​​ចាប់​យកតែ​របស់​របរ​ដែលជួយ​អ្នក​ក្នុង​ការ​ប្រយុទ្ធ ​ដូចជា​ឧបករណ៍​សុខភាព គ្រឿង​សឹក និង​អាវុធ។ បើអ្នកមានរបស់​របរ​កាន់តែច្រើន ឱកាសនៃការរស់រានមានជីវិតក្នុងសមរភូមិកាន់តែប្រសើរ។

ទោះយ៉ាងណាក៏ដោយ វាមិនត្រូវបានណែនាំឱ្យអ្នកលួចអ្វីៗទាំងអស់ទេ។ អ្នកត្រូវឈ្លាសវៃអំពីអ្វីដែលអ្នករើស ហើយយកតែអ្វីដែលអាចជួយអ្នកបាន។ ជំនួសឱ្យការរើសលួចរបស់គ្រប់យ៉ាងដែលអ្នកបានជួបប្រទះ អ្នកគួរតែផ្តោតរើសយករបស់ដែលមានប្រយោជន៍សម្រាប់អ្នក និងក្រុមរបស់អ្នក។ នេះមានន័យថាស្វែងរកអាវុធដែលសមនឹងទម្រង់លេងរបស់អ្នក ហើយផ្តល់ឱ្យអ្នកនូវអត្ថប្រយោជន៍ក្នុងការប្រយុទ្ធ។

អ្នក​ក៏​គួរ​តែ​ធ្វើ​ឱ្យ​ប្រាកដ​ថា​តំបន់​នោះ​គ្មានសត្រូវទេ ​មុន​ពេល​លួច ​ដើម្បី​កុំ​ឱ្យ​សត្រូវ​ស្ទាក់​ចាប់អ្នក​ពេល​កំពុង​ព្យាយាម​រើស​របស់​របរ។ សូមចាំថា អ្នកស្ថិតក្នុងភាពងាយរងគ្រោះបំផុត ពេលកំពុងលួច ដូច្នេះអ្នកត្រូវឆ្លាត។ ជៀសវាងការលួចនៅកន្លែងបើកចំហដែលសត្រូវអាចចាប់អ្នកបានយ៉ាងងាយស្រួល ហើយវានឹងទាញយកប្រយោជន៍ពីស្ថានភាពនេះ។ ប្រសិនបើអ្នកនៅក្នុងក្រុម ត្រូវប្រាកដថាមានមនុស្សម្នាក់នៅចាំការពារ ខណៈពេលដែលអ្នកផ្សេងទៀតធ្វើការលួច។

ជៀសវាងការចុះចតនៅក្នុង Hotspots

គន្លឹះសំខាន់មួយទៀតសដើម្បីរស់រានមានជីវិតនៅក្នុងហ្គេម Battle Royale គឺត្រូវជៀសវាងការចុះចតនៅកន្លែង Hotspots ។ ជាធម្មតា Hotspots គឺជាតំបន់ដែលពោរពេញដោយអ្នកលេងផ្សេងទៀត ដែលមានន័យថាអ្នកនឹងត្រូវប្រយុទ្ធហើយរត់ចេញពីតំបន់ ពុំនោះអ្នកនឹងរងហានិភ័យដែលនឹងត្រូវស្លាប់ក្នុងការប្រកួត។ ផ្ទុយទៅវិញ ព្យាយាមចុះចតនៅតំបន់ស្ងាត់ៗ ដែលអ្នកអាចលួច និងរៀបចំសម្រាប់ការប្រយុទ្ធ។ សូមចាំថា អ្នកត្រូវមានជីវិតយូរតាមដែលអាចធ្វើទៅបាន ដើម្បីឈ្នះ ដូច្នេះជៀសវាងតំបន់ដែលមានចរាចរណ៍មមាញឹក លុះត្រាតែអ្នកមានទំនុកចិត្តលើជំនាញរបស់អ្នក។

យានជំនិះគឺជាមិត្តរបស់អ្នក

ប្រសិនបើអ្នកចង់បង្កើនឱកាសនៃការរស់រានមានជីវិតនៅក្នុងហ្គេម Ranked អ្នកត្រូវតែប្រើប្រាស់យានយន្តឱ្យបានញឹកញាប់។ ខណៈពេលដែលការធ្វើដំណើរជុំវិញផែនទីដោយថ្មើរជើងគឺអាចធ្វើទៅបាន អ្នកនឹងមានល្បឿនកាន់តែលឿន និងមានប្រសិទ្ធភាពជាងមុន ប្រសិនបើអ្នកប្រើយានជំនិះ។ អ្នកមិនត្រឹមតែអាចទៅដល់តំបន់សុវត្ថិភាពបានលឿនជាងមុនប៉ុណ្ណោះទេ ប៉ុន្តែអ្នកក៏អាចប្រើយានជំនិះដើម្បីគេចពីសត្រូវបានយ៉ាងលឿន ឬរត់គេចពីពួកគេ ប្រសិនបើអ្នកស្ថិតក្នុងការប៉ះទង្គិច។ ពួកវាក៏មានប្រយោជន៍ផងដែរ ក្នុងនាមជាផ្ទាំងការពារនៅពេលចូលរួមក្នុងការបាញ់ប្រហារ។ ត្រូវប្រាកដថាអ្នកក្រឡេកភ្នែកមើលទីយានជំនិះ នៅពេលអ្នកកំពុងលួច និងត្រឡប់ទៅរកវានៅពេលណាដែលអ្នកអាចធ្វើបាន។ ត្រូវចាំថា អ្នកត្រូវប្រយ័ត្នខ្លួនពីសត្រូវពេលអ្នកប្រើយានជំនិះ ព្រោះពួកគេអាចប្រើវាដើម្បីចាប់អ្នក ឬស្ទាក់ចាប់អ្នកពីចំហៀង។

លេងយក Chicken Dinners និងមិនសម្លាប់សត្រូវ

ការ​សម្លាប់​ក្រុម​សត្រូវ​គឺ​ជា​វិធី​ដ៏​ល្អ​មួយ​ដើម្បី​ឈាន​ជើង​ក្នុង​ការ​ប្រកួត។ វាគឺជាគំនិតទាំងមូលនៃការលេងនៅក្នុងហ្គេម Battle Royale ដូចជា PUBG Mobile។ ទោះជាយ៉ាងណាក៏ដោយ អ្នកត្រូវដឹងថាការលេងដោយសុវត្ថិភាពគឺមានសារៈសំខាន់ដូចគ្នាដែរ។ កុំប្រថុយប្រថានដែលមិនចាំបាច់ ហើយព្យាយាមនៅឱ្យឆ្ងាយពី ​Hotspots របស់សត្រូវ។ ប្រសិនបើអ្នកឃើញថាខ្លួនអ្នក និងក្រុមស្ថិតក្នុងស្ថានភាពគ្រោះថ្នាក់ វាជាការល្អបំផុតក្នុងការលេងដោយសុវត្ថិភាព និងដកថយជាជាងចេញទៅប្រយុទ្ធដោយកំរោល។

អ្នកត្រូវមើល​ផែនទី​ខ្នាត​តូច​របស់​អ្នក ហើយ​ព្យាយាម​ជៀសវាង​ពី​សត្រូវ។ នៅពេលអ្នកឃើញសត្រូវ ត្រូវប្រាកដថាអ្នករត់ពួនសិន និងវាយតម្លៃស្ថានភាពមុនពេលចូលរួមក្នុងការប្រយុទ្ធ។ អ្នក​ក៏​គួរ​ព្យាយាម​នៅ​ឱ្យ​ឆ្ងាយ​ពី​កន្លែង​លួច​ដែល​មានរបស់​តម្លៃ​ខ្ពស់​ផង​ដែរ ព្រោះ​ទាំងនេះ​ជា​គោលដៅ​ចម្បង​សម្រាប់​ក្រុម​សត្រូវ។

ចងចាំជានិច្ចថាគោលដៅរបស់អ្នកគឺដើម្បីទទួលបាន Chicken Dinner មិនត្រឹមតែការសម្លាប់ប៉ុណ្ណោះទេ។ មាន​ន័យ​ថា អ្នក​គួរ​ផ្តោត​លើ​ការ​ជៀសពី​សត្រូវ និង​ប្រឹងលួច​​តាម​ដែល​អាច​ធ្វើ​ទៅ​បាន។ តាមដានតំបន់សុវត្ថិភាព ហើយត្រូវប្រាកដថាអ្នកធ្វើទៅដល់ទីនោះទាន់ពេល។ ប្រសិនបើអ្នកមានសំណាង អ្នកប្រហែលជាអាចទម្លាក់ក្រុមសត្រូវ និងសម្លាប់វាបានខ្លះផងដែរ ។ ជាមួយនឹងការហ្វឹកហាត់គ្រប់គ្រាន់ អ្នកនឹងអាចទទួលបានជ័យជម្នះយ៉ាងងាយស្រួល និងស្នាមរន្ធមួយទៀតនៅលើខ្សែក្រវាត់ Chicken Dinner របស់អ្នក។

ចាប់ផ្តើមដោយយឺតៗ ប៉ុន្តែវាយលឿនៗនៅចុងហ្គេម

នៅពេលលេងហ្គេម Ranked វាជារឿងសំខាន់ដែលត្រូវចងចាំថា ចុងហ្គេមគឺជាកន្លែងដែលអ្នកនឹងរកឃើញភាពជោគជ័យបំផុត។ ការចាប់ផ្តើមយឺតៗ និងចំណាយពេលរបស់អ្នកដើម្បីលួច និងរុករកគឺជាវិធីដ៏ល្អមួយដើម្បីឈានទៅមុខឱ្យបានលឿន ប៉ុន្តែនៅពេលដែលហ្គេមជិតចប់អ្នកនឹងត្រូវប្តូរឧបករណ៍ ហើយចាប់ផ្តើមលេងប្រញាប់អោយលឿន។ ត្រូវប្រាកដថាអ្នកនៅជិតតំបន់សុវត្ថិភាព ហើយព្យាយាមទៅកាន់តំបន់កណ្តាលដើម្បីលួចបានរបស់ល្អបំផុត។ អ្នកត្រូវតាមមើលសត្រូវ ហើយស្តាប់សំលេងកាំភ្លើង ព្រោះទាំងនេះអាចជាសញ្ញាថាក្រុមសត្រូវនៅក្បែរនោះ។ ជាចុងក្រោយ កុំខ្លាចក្នុងការប្រយុទ្ធ នៅពេលដែលអ្នកមានប្រៀប ព្រោះវាជាភាពខុសគ្នារវាងការឈ្នះ និងចាញ់។

នេះគឺជាគន្លឹះសំខាន់ៗដែលអ្នកត្រូវចងចាំ ដើម្បីឈានទៅដល់ចំណាត់ថ្នាក់ Conqueror ។ វា​អាច​នឹង​ចំណាយ​ពេល​វេលា​ខ្លះ​ និង​ជំនាញ​និង​ការ​អនុវត្ត​​ដើម្បី​ទៅ​ដល់​ទីនោះ ប៉ុន្តែ​ប្រសិន​បើ​អ្នក​ធ្វើ​តាម​គន្លឹះ​ទាំង​នេះ ​អ្នក​នឹង​ក្លាយ​ជា​អ្នក​ឈ្នះ។ ម្យ៉ាងទៀត កុំភ្លេចរីករាយជាមួយហ្គេមពេលដែលអ្នកកំពុងលេង។ វាអាចនឹងគួរអោយធុញពេលអ្នកប្រឹងអូស Rank ប៉ុន្តែត្រូវចាំថា PUBG Mobile គឺជាហ្គេម ហើយវាគួរតែលេងដើម្បីភាពសប្បាយរីករាយ។ សំណាងល្អ!

អានបន្ត: សេចក្តីអធិប្បាយពីប្រព័ន្ធ Ranking របស់​​ PUBG Mobile

កុំភ្លេចបញ្ចូលទឹកប្រាក់ក្នុង UC របស់អ្នកលើហ្គេម PUBG Mobile នៅ Codashop។ យើងផ្តល់ជូននូវការបញ្ចូលទឹកប្រាក់កាន់តែងាយស្រួល និងលឿនជាងមុន ដោយមិនចាំបាច់ Logins ឬវាយពាក្យសម្ងាត់ទេ។

BUY APP & GAME CREDITS ONLINE

More games & apps