ជិតពីរឆ្នាំមកហើយតាំងពីការដាក់ឱ្យលេងកម្សាន្តផ្លូវការរបស់ខ្លួន ហ្គេមបាញ់ប្រហារហៀរ៉ូបុរសទីមួយលេងដោយសេរីរបស់ Riot Games ឈ្មោះ VALORANT បន្តរុញច្រានលើសពីដែនកំណត់របស់ខ្លួន។ បច្ចុប្បន្នវាគឺជាហ្គេមដែលមានប្រជាប្រិយភាពខ្លាំងបំផុតមួយនៅលើ PC, អរគុណដល់របៀបលេងដ៏ពិសេសរបស់វា ផែនទីគួរឱ្យចាប់អារម្មណ៍ និងបញ្ជីនៃ Agents និងសមត្ថភាពដ៏ពិសេសរបស់ពួកគេ (ជាមួយនឹងការដាក់បង្ហាញថ្មីៗរៀងរាល់ Act)។
VALORANT បានពង្រីកអ្នកគាំទ្ររបស់ខ្លួនយ៉ាងច្រើន ហើយចាប់ពីនោះមកបានឈរក្នុងតំណែងពាក់ព័ន្ធនៅក្នុងទស្សនីយភាពហ្គេមលេងជាច្រើន ថ្វីបើមានតែនៅលើ PC ក៏ដោយ។ អ្នកលេងពួកែៗដទៃទៀតក៏បានធ្វើការផ្លាស់ប្តូរយ៉ាងខ្លាំងផងដែរ! យើងបានរៀបចំវិធីទាញយក VALORANT នេះដើម្បីជួយអ្នកដំឡើងហ្គេមនៅលើ PC របស់អ្នកសម្រាប់អ្នកដែលមិនធ្លាប់លេងហ្គេមនេះពីមុនមក។
អ្វីដែលអ្នកចាំបាច់ត្រូវដឹងមុននឹងទាញយក VALORANT
VALORANT គឺជាហ្គេមលេងដោយសេរីសម្រាប់ PC ដែលមានន័យថាអ្នកអាចទាញយក និងលេងដោយសេរីដោយឥតគិតថ្លៃ។ យ៉ាងណាមិញ ចូរកត់ចំណាំថា ក៏មានការជាវផ្សេងៗនៅក្នុងហ្គេមដែរ ដែលអ្នកនឹងចាំបាច់ត្រូវការទិញ skins, agents, ុupgrade និងរបស់ពិសេសផ្សេងៗទៀតដោយប្រើលុយក្នុងហ្គេម។
អ្នកអាចពិនិត្យមើលលក្ខខណ្ឌទាមទារនៃប្រព័ន្ធខាងក្រោម៖
លក្ខខណ្ឌទាមទារប្រព័ន្ធ PC អប្បបរមា (30 FPS)
- អង្គដំណើរការ៖ Intel Core 2 Duo E8400 (Intel), Athlon 200GE (AMD)
- កាតក្រាហ្វិក៖ Intel HD 4000, Radeon R5 200
- RAM: 4 GB
- VRAM: 1GB
- ទំហំផ្ទុក៖ យ៉ាងហោចណាស់ 10GB
- ប្រព័ន្ធប្រតិបត្តិការ៖ Windows 7/8/10 64-Bit
លក្ខខណ្ឌទាមទារប្រព័ន្ធ PC ដែលត្រូវបានណែនាំ (60 FPS)
- អង្គដំណើរការ៖ Intel Core i3-4150 (Intel), Ryzen 3 1200 (AMD)
- កាតក្រាហ្វិក៖ Nvidia GT 730, AMD R7 240
- RAM: 4 GB
- VRAM: 1GB
- ទំហំផ្ទុក៖ 20GB
- ប្រព័ន្ធប្រតិបត្តិការ៖ Windows 10 64-Bit
លក្ខខណ្ឌទាមទារប្រព័ន្ធ PC កម្រិតខ្ពស់ (144+ FPS)
- អង្គដំណើរការ៖ Intel Core i3-4150 (Intel), Ryzen 3 1200 (AMD)
- កាតក្រាហ្វិក៖ Nvidia GT 730, AMD R7 240
- RAM: 4 GB
- VRAM: 1GB
- ទំហំផ្ទុក៖ 20GB
- ប្រព័ន្ធប្រតិបត្តិការ៖ Windows 10 64-Bit
របៀបទាញយក VALORANT លើ PC
ដើម្បីបន្តការទាញយកហ្គេម អ្នកចាំបាច់ត្រូវមានគណនី Riot Games ជាមុនសិន។ អ្នកដែលមិនទាន់មានគណនីនៅឡើយ អាចបង្កើតគណនីថ្មីដោយចូលទៅកាន់គេហទំព័រ VALORANT ផ្លូវការ ហើយចុចលើប៊ូតុង “Play Now” នៅជ្រុងខាងលើខាងស្តាំនៃអេក្រង់។
ដោយគ្រាន់តេអនុវត្តតាមការណែនាំ នោះអ្នកនឹងអាចបង្កើតគណនីមួយបានជាក់ជាមិនខាន។ នៅពេលអ្នកបង្កើតគណនី Riot របស់អ្នករួច សូមអនុវត្តតាមជំហានទាំងនេះដើម្បីទាញយកហ្គេមដាក់ក្នុង PC របស់អ្នក៖
- ចូលទៅកាន់ គេហទំព័រ VALORANT
- អូសចុះទៅចុងទំព័រ ហើយចុចលើ “Download Game Client”
- ផ្ទាំងថ្មីមួយនឹងបង្ហាញឡើង បន្ទាប់មកអ្នកអាចចុចលើប៊ូតុង “Download” ពណ៌ក្រហម។
- គ្រាន់តែអនុវត្តតាមផ្ទាំងណែនាំក្នុងការដំឡើងហ្គេមនៅលើ PC របស់អ្នក
- ចុះឈ្មោះចូលគណនីដោយប្រើគណនី Riot របស់អ្នក បន្ទាប់មកអ្នកនឹងអាចចាប់ផ្តើមលេងបាន!
សម្រាប់អ្នកលេង VALORANT ថ្មីថ្មោង អ្នកត្រូវតែបំពេញវគ្គបង្ហាត់បង្រៀនខ្លីមួយសិនបន្ទាប់ពីអ្នកចុះឈ្មោះចូលក្នុងហ្គេមជាលើកដំបូង។ ការបង្ហាត់បង្រៀននឹងជួយអ្នកស្វែងយល់អំពីមេកានិកទូទៅរបស់ហ្គេមរួមមានការបញ្ជា និងសកម្មភាពមូលដ្ឋានផ្សេងៗ។ អ្នកក៏នឹងបានដឹងអំពីគោលដៅនានាដូចជា ការដាក់ និងការបំផ្ទុះគ្រាប់បែក ឬដែលស្គាល់ជាទូទៅថាជា ‘spike’, របៀបផ្លាស់ប្តូរការកំណត់ និងជាច្រើនទៀត។ នៅពេលអ្នកបញ្ចប់វគ្គបង្ហាត់បង្រៀន ដល់ពេលដែលអ្នកអាចបញ្ចេញថ្វីដៃបានហើយ។
កុំភ្លេចបញ្ចូលពិន្ទុ VALORANT របស់អ្នកនៅ Codashop ប៉ុណ្ណោះ។ វាកាន់តែរហ័ស កាន់តែមានសុវត្ថិភាព និងកាន់តែងាយស្រួល ជាមួយជម្រើសទូទាត់ប្រាក់ជាច្រើន។
